Caicedo nuk dëshiron të krahasohet me legjendat e Chelsea-s

Moises Caicedo, mesfushori i Chelsea, është i vendosur të shmangë krahasimet me dy legjendat e klubit londinez.

Ai ka theksuar se krahasimet me Claude Makelele dhe N’Golo Kante nuk janë diçka që ai i mirëpret.

“Ata fituan shumë gjëra për Chelsean, ndërsa unë ende nuk kam bërë asgjë. Ata kanë arritur shumë, prandaj unë përpiqem të shikoj disa video të tyre, për të mësuar si luanin në mesfushë dhe pak nga personaliteti i tyre,” tha Caicedo.

“Mendoj se po bëj mirë, por ata kanë bërë shumë këtu. Pa dyshim, nuk kam bërë ende asgjë. Por dua të arrij atë që ata kanë arritur.”

“Çdo lojtar është ndryshe. Ata ishin idhujt e mi… ata janë ende idhujt e mi! Disa herë shikoj video të tyre për të mësuar më shumë, por unë jam Moises Caicedo dhe dua të shkruaj historinë time, dhe kjo është ajo që po bëj,” ka pohuar Caicedo.