Butragueno: Do të jetë ndeshje e vështirë ndaj City-t

Shefi i Real Madridit, Emilio Butragueno, e pranon se përballja me Manchester Cityn do të jetë një ndeshje e vështirë.

Real Madridi do të ndeshet me City-n në fazën e 1/16-ave të Ligës së Kampionëve.

“E njohim shumë mirë njëri-tjetrin. Ata janë një skuadër e shkëlqyer, me përvojë dhe të mësuar me këso lloj ndeshjesh, ndaj do të jenë një kundërshtar shumë i vështirë”, ka thënë Butragueno.

“Por kjo garë është shumë e veçantë për ne. Do ta luajmë ndeshjen e dytë në ‘Bernabeu’. Duhet të arrijmë një rezultat të mirë në Manchester dhe, nëse ia dalim, jam i sigurt që me mbështetjen e tifozëve tanë do të kemi më shumë shanse për të kaluar në rundin tjetër”.

“Ata janë një nga pretendentët për titull. Është e vërtetë që kjo fazë kualifikuese ka qenë paksa e çuditshme, ndaj edhe e përfunduan në një pozicion më të ulët, por ne e dimë që ata janë shumë të fortë dhe duhet të japim maksimumin”, ka theksuar Butragueno.