Barcelona gjen zëvendësuesin e Lewandowskit, është ylli i City-it

Kontrata e Robert Lewandowskit përfundon në vitin 2026, ndaj dhe Barcelona po mendon për një zëvendësues për polakun.

Drejtuesit katalanas duket se e kanë piketuar pasuesin e 35-vjeçarit.

Sipas shtypit spanjoll, i preferuari i trajnerit Xavi Hernandez është Julian Alvarez i Manchester City-t.

Argjentinasi e ka treguar veten e tij me The Citizens edhe pse Pep Guardiola nuk i dhuron mjaftueshëm minuta.

Por, te Barcelona sulmuesit mund t’i garantohet roli i protagonistit kryesor dhe kjo e tundon 23-vjeçarin.

Alvarez në kontratën e tij ka një klauzolë që e lejon të largohet nga City për shifrën e 50 milionë eurove dhe te Barça po mendojnë seriozisht të bëjnë një ofertë për të.