Ballkani mund Suharekën në derbin lokal, fiton edhe Gjilani

Kanë përfunduar dy ndeshjet e radhës në kuadër të javës së 27-të në Superligën e Kosovës në futboll.

Ballkani ka triumfuar në derbin lokal duke mundur Suharekën, me rezultat 3-1, të shtunën në Suharekë.

Kampionët në fuqi të Kosovës, bën paraqitje më të mirë se rivalët e tyre, duke arkëtuar edhe tri pikë të reja në garën për kreun e tabelës.

Almir Kryeziu (31’), Sunday Adetunji (41’) dhe Marsel Ismajlgeci (73’), shënuan nga një gol për fitoren e Ballkanit, kurse, golin e nderit për mysafirët e realizoi Endrit Krasniqi (77’). Suhareka shënoi edhe dy gola përmes Mevlan Zekës por që të dyjat u anuluan për shkak të pozitës jashtë lojë. Duhet cekur se skuadra e Suharekës nga minuta e 71-të mbeti më një lojtar me pak në terren pasi që Rudolf Turkaj u largua nga loja me karton të kuq.

Pas kësaj fitore, Ballkani ka 47 pikë, 13 sosh me pak se lideri i tabelës, Drita, kurse, Suhareka  është e shtata me 32 pikë të tubuara.

Tri pikë tejet të rëndësishme i ka arkëtuar edhe Gjilani që para tifozëve të saj mundi Ferizajn, me rezultat 1-0.

Gjilanasit falë autogolit të Filip Gligorov (81’), mundën Ferizajn, në një duel interesant, anipse u shënua vetëm një gol.

Pas kësaj fitore, Gjilani shkon në kuotën e 38 pikëve dhe ngjitët në vendin e katërt, derisa Ferizaj ka tri pikë më pak në pozitën e gjashtë.