Autogoli, një protagonist i madh i EURO 2024

Franca di diçka për këtë sepse dy nga tre golat e shënuar në Euro 2024 janë… autogola. Dhe autogoli, është një protagonist i madh i EURO 2024.

Në fakt, 10 janë shënuar deri tani. Rekordi është 11, të shënuar në edicionin e fundit të Europianit, por gjasat janë që ky rekord të thyhet në Gjermani.

Golashënuesit… e gabuar. E nisi gjermani Rudiger, duke shënuar ndaj Neuerit në ndeshjen kundër Skocisë. Më pas Harnac (Republika Çeke) kundër Portugalisë. Austriaku Wober shënoi në portën e tij duke lejuar Francën të fitonte. Gjasula gëzoi Kroacinë. Calafiori shënoi në portën e tij ndaj Spanjës. Sërish në favor të Portugalisë doli autogoli i turkut Akaydin ndërsa holandezi Malen i gëzoi lojtarët e Austrisë. Spanjolli Normand mashtroi Gjeorgjinë. Vertonghen shpëtoi Francën, ndërsa Muldur ndëshkoi Turqinë.

Jemi në kuotën e 10 autogolave. Duke marrë parasysh edhe 11 autogolat në vitin 2021, të dhënat që dalin janë se 67% e autogolave ​​në historinë e kampionateve evropiane kanë mbërritur në dy edicionet e fundit.