Athletic Bilbao nuk gabon në San Mames, mposht Gironën

Atlethic Bilbao nuk gaboi në shtëpi dhe mposhti surprizën e këtij sezoni në LaLiga, Gironën me shifrat 3-2.

Baskët e gjetën shumë shpejt golin teksa realizuan që në minutën e dytë me anë të Berenguar.

Me shifrat 1-0 u mbyll pjesa e parë, teksa në fraksionin e dytë, miqtë reaguan shpejt dhe në të 49-tën gjetën golin e barazimit me anë të Tsygankov.

Megjithatë, vendasit nuk e humbën toruan dhe gjetën dy gola të shpejtë në minutat 56 dhe 60 me anë të Berenguer dhe Inaki Williams.

Gjithsesi, për Bilbaon nuk ishte e thënë të kishte qetësi pasi Girona shkurtoi diferencat pas një goli të Eric Garcias në minutën e 75.

Por, pavarësisht një presioni të miqve në minutat e mbetura, Athletic Bilbao e mbrojti me fanatizëm rezultatin dhe doli me tre pikë në përballjen e javës së 25, transmeton SS.

Pas kësaj ndeshje, baskët renditen në vendin e pestë me 49 pikë ndërsa Girona mban vendin e dytë me 56 pikë.