Asani: Nuk frikësohem nga asnjë prej skuadrave të grupit

Futbollisti i Kombëtares shqiptare, Jasir Asani, ka thënë se nuk i frikësohet asnjë prej skuadrave të grupit në Euro 2024.

Shqipëria bën pjesë në grup me Italinë, Spanjën dhe Kroacinë, ndërsa duke folur për “Sport Elite” në RTK, futbollisti i Gwangju FC është shprehur se frikë ka vetëm Zotin.

“Tri ekipet që i kemi në grup duhet t’i marrim një nga një. Nuk ua kam frikën kundërshtarëve, të gjithë jemi njëmbëdhjetë kundër njëmbëdhjetë. Ne duhet t’i gëzojme tifozët tanë”, ka thënë ai.