Asani e hedh vështrimin larg: Do shënojmë edhe në Europian

Jasir Asani, një nga protagonistët e këtij rrugëtimi, që u finalizua me kualifikim në “Gjermani 2024”, nuk e ka fshehur entuziazmin pas përfundimit të ndeshjes me Moldavinë, e cila u mbyll në barazim 1-1.

“Ishte e vështirë, por kemi bërë një sakrificë shumë të madhe, të gjithë kemi dhënë shpirtin në fushë. Të gjithë jemi të lumtur, ka ardhur momenti për të festuar. Do shënojmë gola edhe në Europian, nuk bëhet fjalë, por fillimisht kemi ndeshjen e së hënës, më pas do mendojmë”.

“Mundësia që kisha? Ndoshta do të ishte më mirë të pasoja, por kisha hapësirë. Por jam i lumtur që morëm një pikë dhe u kualifikuam”.