Arteta: Nuk e kemi fituar kurrë Ligën e Kampionëve, kemi një shans

I takon trajnerit të Arsenalit, Mikel Arteta, të prezantojë mega-ndeshjen e Ligës së Kampionëve kundër Real Madridit.

Gjysmëfinalja është afër, rezultati i ndeshjes së parë (3-0) është një avantazh i shkëlqyer ndaj Merenges, të cilët megjithatë do të llogarisin  efektin Bernabeu dhe mbështetjen e tifozëve të tyre.

Ndërkohë, trajneri spanjoll dha përditësimet më të fundit për skuadrën: “Ben Ëhite do të jetë i pranishëm në ndeshje. Partey është duke u përmirësuar dhe do të jetë me ne. Jorginho, për fat të keq, nuk do të jetë, ai ende është duke u rikuperuar nga dëmtimi”.

Për mundësinë që Reali të bëjë një rikthim epik: “Kjo është pjesë e historisë dhe ne përgatitemi për atë që dimë, punojmë në aspektet që i konsiderojmë vendimtare për të fituar ndeshjen. Ideja është të besojmë, të dominojmë dhe të kemi besimin se mund t’i mposhtim ata. Janë tre aspekte të qarta. Njëri prej tyre është aspekti emocional. Është shumë e rëndësishme. Ne duhet të dimë gjithashtu se si të shijojmë këto llojë ndeshjesh”.

Për sa i përket historisë së Real Madridit në Champions League: “Respekt, admirim për atë që kanë bërë në këtë kompeticion. Ne nuk e kemi fituar kurrë këtë kompeticion, por kemi një mundësi të madhe për ta bërë këtë”. Së fundi, për mundësinë e penalltive, Arteta theksoi: “Ne përgatitemi çdo javë”.