Arteta: Arsenali ka nevojë ta lë mënjanë egon për ta fituar titullin kampion

Mikel Arteta beson se skuadra e tij, Arsenali, ka nevojë ta lë anash egon për ta fituar titullin kampion.

Arsenali bëri një qasje më të disiplinuar dhe mbrojtëse për të siguruar një barazim 0:0 në Manchester City të dielën për të qëndruar fort në kërkimin e kampionatit të tyre të parë që nga viti 2004.

Duke zënë vendin e dytë dhe dy pikë prapa liderëve Liverpool, Arsenali pret Luton Town në Emirates Stadium të mërkurën përpara se të udhëtojë në Brighton këtë fundjavë.

I pyetur nëse performanca e Arsenalit te City, në të cilin ata regjistruan 27% posedim dhe gjashtë gjuajtje, ishte një shenjë e evolucionit të tyre, Arteta tha: “Duhet, ndonjëherë sepse doni të përshtateni, ndonjëherë sepse duhet të përshtateni dhe të keni një qëndrueshmëri. Lëreni mënjanë egon tuaj dhe ideologjinë dhe bëni atë që duhet të bëni për të fituar ndeshjen. Mendova se ekipi ishte shumë i fortë mendërisht dhe i zgjuar në mënyrën se si ata e bënë atë.”

Arteta po mendon të ndërrojë skuadrën e tij për vizitën e Lutonit, e cila fillon një seri prej shtatë ndeshjesh në 21 ditë.

Arsenali shpreson se Bukayo Saka do të jetë i aftë pasi çaloi kundër Cityt, ndërsa Emile Smith Rowe, Fabio Vieira, Eddie Nketiah dhe disa të tjerë do të synojnë të imitojnë kontributin dramatik të Reiss Nelson nga stoli marsin e kaluar, kur ai shënoi golin e një fitore në minutën e 97-të kundër Bournemouth.

“Detyra dhe misioni jonë është të jemi të përgatitur për të luajtur çdo minutë në çdo moment”, tha Arteta.

“Shikoni shembullin e Reiss. Momenti i tij më i mirë për Arsenalin, është një moment ku ai luajti disa minuta dhe bëri një ndikim të madh dhe është një nga ditët më të mira në jetën e tij si lojtar i Arsenalit. Askush nuk e mban mend nëse ai filloi apo ishte nga pankina. Ka shumë shembuj në sportin botëror ku lojtarët kanë pasur ndikim. Ndonjëherë ju duhet vetëm një sekondë për të ndryshuar historinë e një klubi futbolli. Nuk ju duhen 100 minuta për të luajtur futboll”.