Arsenali triumfon ndaj Brentfordit

Arsenali ka shënuar fitoren e radhës në Premierligë.

“Topcinjtë” triumfuan 1:3 në udhëtim ndaj Brentfordit, në kuadër të javës së 19-të në elitën e futbollit anglez.

Por, nuk ishte gjithçka e lehtë për ekipin e drejtuar nga Mikel Arteta, shkruan Express.

Kjo pasi që pas 13 minutave e panë veten në disavantazh, kur Mbeumo shënoi për vendasit.

Në minutën e 29-të, Gabriel Jesus barazoi shifrat, rezultat me të cilin u mbyll pjesa e parë.

E fillimi i të dytës ishte vendimtar.

Merino përmbysi rezultatin dhe kaloi Arsenalin në epërsi në minutën e 50-të, kurse tre minuta më vonë Martinelli shënoi për 1:3.

Me këtë fitore, Arsenali merr pozitën e dytë me 39 pikë, gjashtë më pak se Liverpooli që ka një ndeshje më pak të luajtur.

Në anën tjetër, Brentfordi mbetet në vendin e 12-të me 24 pikë të grumbulluara.