Ancelotti zbulon: Reali? Propozova veten. Kam ëndërruar Liverpoolin, tani mbështes Evertonin

Trajneri i Real Madridit, Carlo Ancelotti ka dhënë një intervistë për RSI, në podkastin e organizuar nga Armando Ceroni. Mes historive të treguara, është edhe një prapaskenë për të kaluarën e tij te Everton, pavarësisht pasionin për skuadrën rivale të Toffees: “Ëndrra ime ishte të isha trajner i Liverpool-it, por më pas e gjeta veten te Everton dhe përjetova rivalitetin e tyre, dhe tani jam absolutisht një tifoz i Evertonit. Më pëlqeu shumë atmosfera, sepse ka një pasion spektakolar për ngjyrat. Vini re edhe vuajtjet që ka tifozi për Liverpoolin, i cili për shumë vite dhe sot është më i miri në Premier League”.

Për kalimin te Real Madrid: “A isha i befasuar kur Florentino Pérez më thirri? Në fakt, i thirra unë. Një vit më parë kisha folur me ta për të parë nëse ata kishin ndonjë lojtar në dispozicion për ne dhe te Everton kishim nënshkruar me James Rodriguez. Vitin pasues e kuptova se ata po kërkonin një trajner dhe duke folur me drejtorin thashë se duhej të merrnin një të mirë”.

Së fundmi ai foli edhe për ish-sulmuesin e Milanit, Filippo Inzaghi: “Ai ishte një talent i madh, sepse ishte në gjendje të lexonte situata dhe të dilte nga pozicioni si askush tjetër. Ai shënoi, mendoj, më shumë se 300 gola, por mendoj se ato të shënuara me më shumë se një prekje nuk i kalojnë dhjetë për qind”.