Ancelotti për Kroos: Nuk ka një lojtar si ai në treg

Të shtunën në mbrëmje, Real Madridi dhe ‘Santiago Bernabeu’ festuan ndeshjen e fundit të Toni Kroos në Spanjë, i cili do të varë këpucët pas finales së Champions League kundër Borussia Dortmundit dhe Kampionatit Evropian me Gjermaninë.

Në Spanjë debati për pasardhësin tashmë ka filluar dhe më shumë se një e shohin një në shtëpi: Jude Bellingham. Megjithatë, Carlo Ancelotti nuk është aspak dakord.

Për trajnerin italian, Bellingham duhet të luajë më afër golit sesa Kroos.

Dhe ishte i qartë në konferencën për shtyp: “Sa më afër të jemi te goli, aq më mirë është për Bellingham. Nuk ka një lojtar në treg me të njëjtat karakteristika si Kroos dhe ne duhet ta zëvendësojmë atë në një mënyrë tjetër”.

“Ne kemi një mesfushor me cilësi të madhe dhe do të duhet ta përshtatim lojën ndryshe sepse do të ketë një lojtar tjetër që nuk mund të jetë Kroos”.