Ancelotti e konfirmon se ylli i Realit është i gatshëm për derbin kundër Atletico Madridit

Pasi që fitoi Super Kupën e Spanjës, fokusi i Real Madridit tani është në ndeshjen e radhës.

Reali do të përballet me rivalin e qytetit, Atletico Madridin në raundin e 1/16-ës së Kupës së Mbretit.

Sidoqoftë, përgatitjet e Realit për këtë ndeshje nuk kanë shkuar siç është pritur, pasi që Rodrygo nuk ka stërvitur me grupin sot, raporton KP.

Rodrygo thuhej se ishte në dyshim për ndeshjen me Atletico Madridin për shkak të një problemi në muskul, por Ancelotti e ka konfirmuar se ai është i gatshëm.

“Më duhej një ditë më shumë me intensitet më të ulët, e nesërme do të jetë mirë. Lucas Vazquez rikthehet të premten, Rodrygo do të jetë i gatshëm për të luajtur”, tha Ancelotti.