Ahmeti, Rokasit: BE-ja është alternativa jonë e vetme

Kryetari i BDI-së Ali Ahmet është takuar me ambasadorin e Bashkimit Europian, Michalis Rokas.

Ahmeti dhe kan diskutuar për çështjet politike në Maqedoni të Veriut, reformat e nevojshme për integrim europian, legjitimitetin dhe Marrëveshjen e Ohrit si dhe zgjedhjet në Maqedoni të Veriut.

“Ahmeti njoftoi ambasadorin Rokas që BDI është parti e cila për asnjë çast nuk lëkundet nga përcaktimi dhe orientimi euroatlantik. Për ne, integrimi Europian është pa altternativë dhe BDI jep përkrahje të plotë për vazhdim të negociatave dhe realizim të reformave pa asnjë vonesë dhe me konsensus politik”, thuhet në njoftim.

Sipas njoftimit, në lidhje me Marrëveshjen e Ohrit, Ahmeti përkujtoi që BE dhe SHBA janë garantues të marrëveshjes së paqes dhe që marrëdhëniet ndëretnike janë rënduar shumë nga hapat e pamenduara të qeverisë për gjuhën shqipe, përkatësinë etnike, përfaqësimin e drejtë dhe adekuat.

“Maqedonia e Veriut dhe maqedonasit nuk kanë humbur asgjë nga barazia me shqiptarët dhe shteti nuk është cënuar aspak nga zbatimi i Marrëveshjes së Ohrit. Dialogu politik në vend duhet të respektojë legjitimitetin zgjedhor të përfaqësuesve legjitim të komuniteteve etnike sepse kështu mundësohet stabilitet, siguri dhe kohezion shoqëror”, thuhet në njoftim, raporton rtk.