Aeroporti Ndërkombëtar i Prishtinës “Adem Jashari” regjistroi katër milionë pasagjerë

Kryeministri i Republikës së Kosovës, Albin Kurti së bashku me zëvendëskryeministren për Çështje të Pakicave dhe të Drejtat e Njeriut, Emilija Rexhepi, sot vizituan Aeroportin Ndërkombëtar të Prishtinës “Adem Jashari”, i cili sot regjistroi katër milionë pasagjerë, përfshirë këtu pasagjerë shqiptarë e të huaj, nga brenda e jashtë vendit, që kanë udhëtuar nga dhe drejt Prishtinës, përmes këtij aeroporti.

Në shënim të kësaj ngjarje të rëndësishme, kryeministri Kurti nënvizoi që nga koha e liberalizimit të vizave kemi më shumë se dyfishim të pasagjerëve, 46% rritje të fluturimeve si dhe kemi 16 destinacione të reja e 16 operatorë të rinj.