Kosova-Izraeli, formacionet zyrtare

Kombëtarja e Kosovës në futboll, sonte do të përballet me Izraelin në “Fadil Vokrri” në kuadër të kualifikueseve për Evropianin “Gjermania 2024”.

Ky ballafaqim ishte paparë të luhej më 15 tetor, por u shty nga FIFA me kërkesë të Izraelit pas sulmit të muajit të kaluar të grupit radikal palestinez, Hamas në qytetet e Izraelit jugor, ku mbetën të vrarë rreth 1.200 njerëz dhe u rrëmbyen mbi 240 të tjerë.

Pavarësisht mungesave të rëndësishme për këtë ndeshje, megjithatë, tek Kombëtarja jonë janë optimistë se para tifozëve të tyre do të jenë në gjendje të realizojnë fitoren e radhës në këtë cikël kualifikues.

Përzgjedhësi Primozh Gliha dhe sulmuesi Vedat Muriqi janë shprehur optimistë për rezultat pozitiv.

Kujtojmë se ndeshja e parë e zhvilluar në Tel-Aviv ishte mbyllur baras 1:1. Ndeshja Kosovë-Izrael nis në orën 20:45 dhe transmetohet drejtpërdrejt në RTK-Radio.

Tashmë janë publikuar formacionet zyrtare të dy kombëtareve:

Kosova: Muric, Aliti, Kastrati, Krasniqi, Rashica, Muslija, Muriqi, Dellova, Zybaj, Loshaj, B.Berisha.

Izraeli: Glazer, Dasa, Goldberg, M.Vitor, Lavi, Zahavi, Peretz, Jehezkel, Revivo, Gloukh, Kinda.