Arsenali fiton pastër ndaj Sevillas

Arsenali ka vazhduar me fitore në Ligën e Kampionëve.

“Topçinjtë” triumfuan 2:0 në shtëpi ndaj Sevillas, në kuadër të xhiros së katërt të fazës së grupeve në Ligën e Kampionëve.

Trossard shënoi për epërsinë fillestare të vendasve në minutën e 29-të, pas asistimit nga Bukayo Saka.

E pikërisht ky i fundit ishte autor i golit të dytë të shënuar në minutën e 64-të të ndeshjes.

Me këtë fitore, Arsenal vazhdon si lider në grupin B me nëntë pikë pas katër ndeshjeve, raporton GE.

Në anën tjetër, Sevilla mbetet e fundit me dy pikë të grumbulluara.