Broja u shpjegon festimin e “shqiponjës” anglezëve

Në videon e radhës të postuar nga faqja e Çelsit në Instagram ishte përsëri protagonist Armando Broja.

Sulmuesi i Shqipërisë së bashku me Konor Gallager ishin lojtarët e zgjedhur të Çelsit, të cilët morën pjesë në një intervistë për njerëzit që flasin me shenja.

I pyetur se çfarë kuptimi kishte shqiponja e bërë me duar, sulmuesi i Kombëtares u ndal menjëherë që ta bënte: “Ky është gjithashtu dhe festimi im”.

Reagimi nga ana e mesfushorit anglez ishte epik, i cili tha: “Mendoja se kopjoje Anelkan”, me ish-sulmuesin francez të Çelsit që gjithashtu bënte shqiponjën kur festonte.

“Jo, ky është flamuri shqiptar”, ishte përgjigja e Brojës, përballë zëvendëskapitenit të “Bluve”.