Guardiola pas fitores në Botërorin e Klubeve: Pashë shumë gjëra pozitive

Trajneri i Manchester Cityt, Pep Guardiola, është shprehur i kënaqur pas fitores 2-0 ndaj Ëydad AC në ndeshjen e parë të Grupit në Botërorin e Klubeve.

Golat për “Citizens” u shënuan nga Phil Foden dhe Jeremy Doku.

“Kishim momente të mira. Ka shumë lojtarë të rinj dhe ndeshja e parë në këtë fazë grupore është gjithmonë e rëndësishme”, ka thënë Guardiola pas ndeshjes.

“E nisëm shumë mirë, më pas patëm disa probleme, sidomos kur humbëm topa të thjeshtë. Kur humb topa të thjeshtë, tranzicioni bëhet më i rrezikshëm për ne”.

Megjithatë, tekniku spanjoll theksoi se është i inkurajuar nga ajo që pa në fushë.

“Pashë shumë gjëra pozitive. Kjo ishte vetëm ndeshja e parë. Do të përgatitemi për ndeshjen e radhës me lojtarët e rinj. Tri pikët e para janë shumë të rëndësishme”, ka pohuar Guardiola.