Thaçi thotë se Sheriff Tiraspol ka përvojë të madhe

Trajneri i Prishtinës, Arsim Thaçi, është shprehur i vetëdijshëm se skuadra e Sheriff Tiraspol ka përvojë të madhe në garat evropiane.

Pas shortit të tërhequr të martën në selinë e UEFA-s në Nyon të Zvicrës, kryeqytetasit do të ndeshen me ekipin moldav për rrethin e parë kualifikues të Europa League.

“Kemi të bëjmë me një kundërshtar të fortë, jemi me fat që ndeshjen e parë e kemi si mysafir, një rezultat pozitiv në atë përballje do të thotë shumë për ne. E pastaj, në ndeshjen kthyese, me përkrahjen e ‘Plisave’, që janë lojtari ynë i dymbëdhjetë, do të përpiqemi ta arrijmë synimin që e kemi”, ka thënë trajneri kosovar.