Sylvinho: Sfida ndaj Serbisë nuk është ndeshje si të tjerat

Përzgjedhësi i Kombëtares së Shqipërisë, Sylvinho, në një konferencë për media, ka folur për duelet e muajit qershor, ndeshje që do të luhen në kuadër të Kupës së Botës 2026.

Strategu brazilian me theks të veçantë ka folur për duelin kundër Serbisë që luhet më 7 qershor në ‘Air Albania’.

“Janë dy ndeshje të vështira. Kam nevojë për të gjithë lojtarët. Ndeshja kundër Serbisë nuk është një ndeshje normale, e di historinë. Por ne duhet të përqendrohemi vetëm te loja te mundësia që kemi për të bërë mirë. Do zbresim në fushë dhe do të luajmë mirë futboll. Është një ndeshje e vështirë, që duhet përgatitu mirë”, ka thënë Sylvinho.

“Ky është një moment i veçantë, pasi lojtarët mbyllin sezonin dhe duhet të shohim gjendjen e lojtarëve. Është një moment i veçantë. Kemi 10 ditë kohë për të bërë një punë të mirë”, ka theksuar ai.

Shqipëria tri ditë pas ndeshjes me Serbinë, do të luajë në udhëtim tek Letonia.