Nuk ndalet Drita, mund Suharekën

Drita e ka bërë edhe një hap të madh në garën për titull të kampionit.

Gjilanasit e kanë mundur në udhëtim Suharekën, me rezultat 1-2, të dielën në kuadër të javës së 30-të në Superligën e Kosovës në futboll.

Dueli mes këtyre dy skuadrave, ka prodhuar një sfidë interesante, me disa raste të mira dhe tre gola të shënuara.

Rron Broja (21’) dhe Denys Kostyshyn (81’), shënuan për fitoren e Dritës, kurse, golin e vetëm për nikoqirët e realizoi Kodra (42’).

Drita kryeson tabelën me 66 pikë, 13 më shumë së ndjekësi Ballkani, kurse, Suhareka mbetet në pozitën e parafundit me 33 sosh.