Allegri: Lippi është një referencë, do doja Platini e Zidane

Massimiliano Allegri, sigurisht që nuk mund të mungonte në eventin e mbrëmjes për të festuar 100 vjetorin e pronësisë së Agnelli.

“Lippi do të thotë shumë, ai ka qenë gjithmonë një pikë referimi – shpjegoi trajneri i Juventusit – Ai ishte një trajner praktik dhe i suksesshëm, siç ishin Capello dhe Trapattoni”.

Për cilin nga kampionët e shumtë do të kishte dashur të ishte trajner: “Platini, kur isha fëmijë, ishte një pikë referimi. Por edhe Zidane. Jam i lumtur që pata fatin të drejtoja kaq shumë kampionë që më dhanë më shumë gëzim sesa dhimbje”.

Allegri gjithashtu shkroi faqe të historisë së Juventusit. “Jam i lumtur dhe krenar që e bëj këtë histori – shtoi Allegri për Sky Sport -. Deri dje nuk e dija sa derbi kemi fituar, ende kam një dëshirë të madhe për të dhënë dhe për të provuar të fitoj. Nuk është një gjë e lehtë”.

Juventusi është sinonim i trofeve. “Kur punoni te Juventus duhet të jetoni nën presion me përgjegjësi të madhe. Kjo është ajo që duhet të bëni për të arritur sukses të madh. Në një klub si Juventusi presioni ju stimulon për të arritur sukses të madh”.

Juve niset gjithmonë për të fituar: “Është normale, gjithmonë duhet të punosh për të marrë rezultate. Ne po e bëjmë këtë me një ekip me lojtarë të rinj që kanë një të ardhme përpara”.