
Superliga rikthehet me disa duele interesante
Emocionet e elitës së futbollit tonë, rikthehen këtë fundjavë me ndeshjet e xhiros së 27-të.
Kjo xhiro nis të premten pasdite me duelet Feronikeli ’74-Drita dhe Malisheva-Prishtina, sfida këto që parashikohet të sjellin ndeshje interesante pasi që pikët janë tejet të rëndësishme në dyja ballafaqimet.
Xhiroja e 27-të do të vazhdojë të shtunën me dy ndeshjet e radhës, ku do të përballen Ballkani-Suhareka dhe Gjilani-Ferizaj, kurse, dueli i fundit të kësaj xhiro do të luhet të dielën pasdite ndërmjet Dukagjinit dhe Llapit, një tjetër ndeshje joshëse.
Superliga/Java e 27-të
Të premten takohen:
Feronikli ’74-Drita
Malisheva-Prishtina
Të shtunën takohen:
Ballkani-Suhareka
Gjilani-Ferizaj
Të dielën takohen:
Dukagjini-Llapi
Të gjitha ndeshjet fillojnë në orën 15:00.