Elita e basketbollit vazhdon sonte me dy supersfida

Superliga e Kosovës në basketboll, rikthehet sonte me dy ndeshjet e fundit të javës së 27-të, njëkohësisht kjo është xhiroja e parafundit për garat e rregullta.

Elita e basketbollit sonte është e rezervuar për super derbi, me katër skuadrat e para në renditje që gjithashtu synojnë të renditen sa më lart para garave shtesë, njëkohësisht është përballja mes katërshes së madhe të basketbollit të Kosovës.

Sfidë interesante pritet në kryeqytet, ku ndeshen Sigal Prishtina dhe Bashkimi. Prishtinasit janë në vendin e tretë me 16 fitore e dhjetë humbje, ndërsa prizrenasit në vendin e parë me 18 fitore e tetë humbje.

Në Pejë, përballen Peja dhe Trepça. Verdhezinjtë janë në vendin e katërt me 14 fitore e 12 humbje, kurse ‘Xehetarët’ janë në vendin e dytë me 17 fitore e nëntë humbje.

Superliga/Java 27

Sonte takohen:

19:00 Sigal Prishtina – Bashkimi

19:00 Peja – Trepça