Digjet një shtëpi në Gjakovë, brenda saj gjendet trupi i pajetë i një personi

Një shtëpi është përfshirë nga zjarri ditën e djeshme në Gjakovë.

Siç bën me dije Policia e Kosovës, brenda saj është gjetur trupi i pajetë i një personi.

Nuk janë dhënë detaje të tjera, teksa bëhet me dije se me vendim të prokurorit trupi i pajetë i viktimës është dërguar për obduksion.

Rasti është iniciuar si “shkaktim i rrezikut të përgjithshëm/incident zjarri”.

“Gjakovë / 08.02.2025 – 03:30. Raportohet se është përfshirë nga zjarri një shtëpi. Në vendin e ngjarjes kanë dalë njësitë përkatëse ndërsa ekipi zjarrfikës ka lokalizuar zjarrin. Gjatë kontrollit, është konstatuar se në shtëpi gjendet trupi i pajetë i viktimës mashkull kosovar, i cili me vendim të prokurorit është dërguar ne IML për obduksion”, thuhet në raportin 24-orësh të Policisë së Kosovës.