Martinez tregon pse Hojlund dhe Zirkzee po shënojnë pak gola

Lisandro Martinez mendon se mbrojtësit dhe mesfushorët e Manchester United duhet të marrin përgjegjësinë për shërbimet e dobëta për sulmuesit e skuadrës së tyre.

“Red Devils” e shohin Rasmus Hojlund dhe Joshua Zirkzee që kanë hasur në vështirësi të mëdha për të shënuar gola këtë sezon të garave.

Hojlund ka shënuar vetëm dy gola në 18 ndeshje të Premier League, ndërsa Zirkzee ka shënuar tre gola në 23 ndeshje.

“Absolutisht, ne e marrim përgjegjësinë,” ka thënë Martinez për mediet britanike, raporton RTKLive.com.

“Mendoj se edhe ndaj Fulhamit luajtëm më shumë topa të gjatë për ta, dhe sigurisht që është e vështirë për ta, sidomos kur ‘lufton’ kundër dy qendërmbrojtësve. Qendërmbrojtësit këtu në Premier League janë shumë të fortë”.

“Përveç kësaj, Hojlund dhe Zirkzee duhet të bëjnë më shumë. Ata janë lojtarë shumë të mirë, por pajtohem me ju. Mendoj se duhet të vazhdojmë të bëjmë më shumë dhe t’i vendosim ata në pozita më të mira në fushë. Duhet t’i gjejmë ata në vendet e duhura, në pozita të rrezikshme, që t’i kenë mundësinë më të lehtë që të shënojnë”, ka përfunduar Martinez.