“Shpërthen” Rey Manaj, “dopietë” dhe dy assiste, dhuron show në Turqi

Më në fund, Rey Manaj “zgjohet”, me “bomberin” kuqezi që rikthehet të shkëlqej në Turqi.

Sulmuesi kuqezi ishte i papërmbajtshëm përballë Kayserisport duke realizuar një “dopietë” golash dhe duke dhuruar dy assiste në suksesin 5-2. 5 minuta lojë i mjaftuan Manajt për të zhbllokuar sfidën përballë Kayserispor.

Sulmuesi kuqezi u shkëput shpejt dhe me një goditje të saktë brenda në zonë gjeti cepin e portës duke dërguar topin në rrjetë.

Manaj nuk u mjaftua me kaq, por në fundin e pjesës së parë dhuroi një assist të pastër duke sjell dhe golin e tretë për Sivasspor, praktikisht duke mbyllur llogaritë me Kayserispor që në fraksionin e parë. Manaj ishte protagonist absolut i këtij takimi pasi “gatoi” edhe golin e tretë të Sivasspor duke shkuar në kuotën e tre assiteve këtë sezon. Në shtesë, Manaj kompletoi sfidën e tij perfekte duke realizuar golin e dytë personal dhe të pestin për Sivasspor. Ky ishte goli i tij i 6-të këtë sezon.

Tifozët e Sivasspor shpresojnë që me rikthimin e Manajt në formë të ngjiten në tabelën e klasifikimit, aktualisht ndodhen në vendin e 11-të.