Mourinho nuk u beson syve: Genoa, “poker” Romës

Genoa mposhti Romën me rezultat 4-1 në ndeshjen që mbylli javën e gjashtë të Serisë A.

Në Ferraris, skuadra e Gilardinos e çau ngërçin në minutën e 5-të me Gudmundsson. Pas golit të barazimit të Cristantes (22′), vendasit rikthyen avantazhin në minutën e 45-të me një supergol të Reteguit.

Në pjesën e dytë, skuadra e Mourinho-s në kërkim të golit të barazimit, por mer goditjen vendimtare. Fillimisht është Thorsby (74′) e më pas Messias (81′) që kompletojnë pokerin. Për Romën 5 pikë në gjashtë ndeshje, e kaluar në renditje nga Genoa.

Pak mund të kishin parashikuar që Alberto Gilardino, në stolin e gjashtë në Serie A, mund t’i jepte një mësim José Mourinhos, një prej trajnerëve më të suksesshëm ndonjëherë.

Dhe në vend të kësaj, në Ferraris, Genoa e sapo promovuar u arratis, duke gjetur sërish sukses në ligën më të lartë me një 4-1 tingëllues që e futi në kolaps Romën, në fushë dhe në renditje, duke u ndalur në pesë pikë pas gjashtë  ndeshjesh, diçka që nuk kishte ndodhur më parë, për 13 vjet.

Genoa fitoi duke shfrytëzuar në maksimum kartat e tyre me një pjesë të parë me intensitet të lartë dhe duke shfrytëzuar në maksimum mundësitë e krijuara nga lojtarët e saj më të mirë, Gudmundsson dhe Retegui, disa herë dominues në fushë.

Për Romën, e cila u largua nga fusha me kokë ulur pasi përshëndeti tifozët, 11 gola të pësuar dhe një brishtësi që nuk ishte parë asnjëherë në epokën e “Special One”.