Neuer i kthehet futbollit dhjetë muaj pasi theu këmbën

Manuel Neuer pritet të rikthehet në skuadrën e parë të Bayern Munich gjatë ditëve në vijim.

Portieri i Kombëtares së Gjermanisë është rikthyer në stërvitjen e ekipit të enjten, dhjetë muaj pasi theu këmbën në një aksident në ski.

“Është një ndjenjë e mrekullueshme të rikthehem në fushë me shokët e mi. E kam pritur me padurim këtë”, ka thënë ai.

Neuer shpreson të luajë në Evropianin e vitit të ardhshëm, i cili do të zhvillohet në tokën gjermane.