Napoli pyet Man Unitedin për Zirkzee

Klubi italian Napoli raportohet se ka pyetur Manchester Unitedin për çmimin e Joshua Zirkzee.

Napolitanët kërkojnë një sulmues si alternativë, në rast se Khvicha Kvaratskhelia largohet gjatë këtij muaji.

Sipas TMW, Napoli është i interesuar për ish-sulmuesin e Bologna-s, Zirkzee, por është informuar se Manchester United është i gatshëm të negociojë vetëm për një shitje të plotë të kartonit të lojtarit.

“Djajtë e Kuq” janë të vendosur të mos e shesin lojtarin me humbje, pasi kanë shpenzuar 40 milionë euro për transferimin e sulmuesit holandez.

Gjithashtu, Zirkzee është në radarin e Juventusit, i cili, ashtu si Napoli, preferon një marrëveshje huazimi me të drejtë blerjeje.