Pochettino: Broja nuk është gati

Chelsea pret Brighton në Stamford Bridge nesër në mbrëmje në kuadër të Carabao Cup.

Përpara ndeshjes, trajneri Mauricio Pochettino u pyet nëse Armando Broja mund të ishte në garë për të luajtur që në fillim, pasi erdhi nga pankina kundër Aston Villa të dielën për të bërë paraqitjen e tij të parë që nga nëntori i vitit të kaluar për shkak të një dëmtimi të rëndë.

“Ai nuk është gati për të nisur nga fillimi”, konfirmoi Pochettino. “Ai po e ndihmon ekipin dhe po bën mirë, por i duhet kohë që të jetë sërish në formë, që të mund të nisë ndeshjen nga fillimi. Unë mendoj se për 20 ose 30 minuta ai është në gjendje të ndihmojë ekipin, por ende nuk është gati për të nisur nga fillimi”.