Messi shpallet lojtari i sezonit në MLS

Lionel Messi është vlerësuar si Lojtari Më i Vlefshëm i Major League Soccer për vitin 2024.

Ylli argjentinas e ka fituar këtë çmim pas një sezoni të suksesshëm me Inter Miami, ku ka ndihmuar skuadrën ta sigurojë për herë të parë trofeun Supporters’ Shield.

Pavarësisht lëndimeve, Messi pati një ndikim të madh në vetëm nëntëmbëdhjetë paraqitje, duke shënuar njëzet gola dhe duke dhënë gjashtëmbëdhjetë asistime, çka ky kombinim e ka renditur atë si lider i ligës për kontributet në gola gjatë sezonit.

Messi bëhet lojtari i dhjetë nga Amerika e Jugut dhe i pesti nga Argjentina që fiton çmimin MVP, duke iu bashkuar emrave të shquar si Luciano Acosta, Diego Valeri, Guillermo Barros Schelotto dhe Christian Gomez.