Cancelo: City skuadra më e mirë në botë, por Barça ishte ëndrra ime

Joao Cancelo në moshën 29-vjeçare, pasi kishte ulur pagën e tij, zgjodhi të riniset nga Barcelona pavarësisht se, “Manchester City është skuadra më e mirë në botë”.

Mbrojtësi portugez është i vetëdijshëm për këtë dhe në një intervistë për Mundo Deportivo flet për zgjedhjen e tij në verë për t’u rinisur sërish nga Barcelona:

“Gjithmonë kam dashur të vij të luaj këtu dhe jam shumë i lumtur, jam duke pasur shumë argëtim, shokët e mi të skuadrës po më ndihmojnë të përshtatem”.

Cancelo u kthye për të folur për zgjedhjen e tij për të rifilluar nga La Liga, por ai shpenzoi fjalë lavdëruese për City-n:

“Jeta ime ka qenë gjithmonë një rrezik. Falënderoj të gjithë te City, nga stafi te Guardiola, e di mirë që sot janë skuadra më e mirë në botë, por kur Barcelona të thërret, duhet të pranosh”. Objektivat janë të qarta:

“Duam të fitojmë kampionatin, por kam edhe entuziazëm të madh për Champions League”, përfundoi ish-mbrojtësi i Interit dhe Juventusit.