Lacio-Atletiko dhe derbi i kujdestarit të… Olimpias

Dueli mes Lacios dhe Atletiko Madrid është special për kujdestarin e shqiponjës të ekipit roman.

Bëhet fjalë për Juan Bernabé, i cili kujdeset prej 13 vitesh për shpendin fisnik të Lacios.

Spanjolli nga Kadizi tregon me emocion momente të punës të tij edhe pse sot për herë të parë Olimpia e tij do të fluturojë mbi kokat e bashkëkombësve të tij nga Madridi.

“Momenti kur shqiponja fluturon mbi kokat e tifozëve është diçka emocinuese pasi të gjithë shikojnë simbolin e një skuadre teksa përshkruan stadiumin”, thotë Bernabé.

Spanjolli tregon se puna e tij e ka bërë që të takohet me shumë yje të futbollit ndër vite.

Madje kur ka punuar për ekipin e Benfikës, në inagurimin e “Da Luz”, ai ka pozuar me Diego Armando Maradonën.