Capello: Leao është lojtar me cilësi të mëdha, por dembel

Ish-trajneri i njohur italian Fabio Capello mendon se sulmuesi i Milanit, Rafael Leao është lojtar i madh, por sipas tij, portugezi është dembel.

Capello thotë se Leao duhet të luftojë me dembelizmin për të rikthyer formën e tij më të mirë.

“Leao është një lojtar me cilësi të mëdha, por pak dembel. Përtacia duhet luftuar duke e bërë atë të kuptojë se mund të jetë një lojtar i madh, por nëse qëndron kështu, ai mbetet i paplotë”, ka thënë Capello.

Ish-i disa klubeve të mëdha evropiane përfshirë edhe Real Madridin, ka folur edhe për garën e titullit të kampionit në Itali.

“Gjithmonë kam thënë Interin, nuk mund ta anulojmë, por Napoli do të jetë një kundërshtar i vështirë për t’u mposhtur. Një trajner i shkëlqyer me lojtarë të shkëlqyer që kanë gjetur sërish dëshirën e tyre”, ka pohuar Capello.