Osmani takon O’Brien, diskutojnë për thellim të bashkëpunimit me SHBA-në

Presidentja e Republikës së Kosovës, Vjosa Osmani gjatë qëndrimit në New York, është takuar me ndihmës-sekretarin e Shtetit, Jim O’Brien.

Ajo ka theksuar se në takim kanë diskutuar për thëllim të bashkëpunimit SHBA-Kosovë, për procesin e integrimit e për sigurinë në rajon.

“Takimi i radhës me ndihmës-sekretarin e Shtetit, Jim O’Brien, për të diskutuar për thellimin më tutje të bashkëpunimit me Shtetet e Bashkuara, si dhe ndërmarrjen e hapave që janë në interes të qytetarëve të Kosovës, integrimit euroatlantik të vendit tonë, si dhe paqes dhe sigurisë në të gjithë rajonin”, ka shkruar Osmani, raporton rtk.