Lëndimi i Ter Stegen, Berisha në listën e Barcelonës

Lëndimi i Marc ter Stegenit është një pengesë e madhe për FC Barcelona.

Portieri gjerman ka pësuar një këputje të plotë të tendinit patellar në gjurin e djathtë dhe pritet të jetë jashtë fushave për tetë muaj, duke lënë Inaki Penan si portierin e vetëm të ekipit të parë.

Barça mund të drejtohet drejt tregut të agjentëve të lirë për të mbuluar mungesën e Ter Stegenit, por nuk ka shumë kandidatë të disponueshëm që mund të përforcojnë portën e Barçës.

Në mesin e portierëve të lirë, mediumi spanjoll, “Mundo Deportivo” ka listuar edhe portierin shqiptar, Etrit Berisha, 35-vjeçar.

Në mesin e të përmendurve janë edhe: Keylor Navas, Jordi Masip, Edgar Badia, Jiri Pavlenka, Loris Karius, Tomas Vaclik, Tomas Koubek, Alexandre Letellier dhe Kostas Lamprou.