Barbano: Fati i të pagjeturve është prioritet i EULEX-it

Shefi i misionit të BE-së për siguri dhe mbrojtje (EULEX), Giovanni Pietro Barbano, ka thënë se ndriçimi i fatit të të pagjeturve është prioritet i EULEX.

“Ndriçimi i fatit të personave të pagjetur është obligim i vazhdueshëm dhe prioritet i EULEX-it”, ka shkruar ai në X.

Tutje Barbano ka thënë se të pagjeturit nuk harrohen asnjëherë.

“Të përulur për t’iu bashkuar autoriteteve të Kosovës, familjeve të personave të pagjetur dhe komunitetit ndërkombëtar në shënimin e Ditës Ndërkombëtare të Personave të Zhdukur”, vazhdon postimi i tij, raporton rtk.