City e nis me fitore mbrojtjen e titullit, mund Chelsea-n

Manchester City e ka nisur me fitore sezonin e ri në Premier League.

‘Qytetarët’ e mposhtën në udhëtim Chelsea-n, me rezultat 0-2, të dielën në javën e parë të këtij sezoni në ishull.

Të besuarit e Pep Guardiolës furishëm e nisen mbrojtjen e titullit të kampionit, duke arkëtuar trepikëshin e parë përball Chelsea-s.

Futbollistët e Cityt e kontrolluan më mirë lojën në terren, krijuan më shumë raste, derisa Haaland (18’) dhe Kovacic (84’) u përkujdesën për fitoren e kampionëve në fuqi të Anglisë.