Gashi: Me Kurtin është kthyer normaliteti në veri, BE jo e drejtë me Kosovën

Analisti Tomë Gashi ka thënë që në veri të Kosovës është kthyer normaliteti me qeverinë aktuale.

“Ne nuk kemi mundur të paramendojmë që 20 vjet pas luftës dhe rreth 15-16 vjet pas shpalljes së pavarësisë që ne kemi të kemi makina pa targa që kanë qenë në pjesën veriore të Kosovës, dhe që është shndërruar në një lloj normaliteti, dhe të kemi targa të kohë së Millosheviqit, PR, KM, dhe të tjera, që janë krejtësisht ilegale dhe që kanë qenë ilegale”, ka thënë Gashi në Klan Kosova.

“Dhe tani është kthyer normaliteti në veriun e Kosovës dhe gjithçka është duke funksionuar si është më së miri. Sigurisht që deklaratat nuk duhet t’i marrim shumë ngat zemrës, ato që vijnë nga Bashkimi Evropian, sepse ata nuk janë të sinqertë së pari me vetveten”.

“Ndoshta më tepër duhet të mendojnë se si paraqiten si Bashkim Evropian kur kemi pesë shtete që nuk e pranojnë pavarësinë e Kosovës”.