ANKARA: Një luftanije e LIIB niset nga Turqia drejt Ukrainës

Një luftanije e Luftës së Dytë Botërore e tipit korvetë u nis për në Ukrainë nga Turqia, pasi u riparua totalisht.

“Ne e dimë më mirë se kushdo se sa e rëndësishme është siguria dhe kjo korvetë do të jetë një garanci e sigurisë për të gjithë rajonin tonë të përbashkët”, theksoi bashkëshortja e presidentit ukrainas, Olena Zelenska.

Anija, e pagëzuar ”Hetman Ivan Vyhovskyi” në mars, tani po i nënshtrohet provave në det.

Korveta është porositur në vitin 2020 para pushtimit të Ukrainës nga Rusia.

Anija e mbrojtjes bregdetare, e pajisur me teknologji moderne stealth, është porositur nga Turqia pasi ndërtimi i anijeve ukrainase nuk është mjaftueshëm i avancuar teknologjikisht.

Fillimisht, përgatitja përfundimtare ishte menduar të bëhej në kantieret e Ukrainës, por kjo nuk është e mundur për momentin për shkak të luftës.

Ministri i Mbrojtjes Rustem Umerov dhe shefi i marinës Oleksiy Neizhpapa ndoqën gjithashtu ngjarjen e nisjes së korvetës.

Deri vonë, flota ukrainase kishte vetëm anije dhe varka më të vogla.

Anija e saj, fregata ”Hetman Sahaidachny”, u fundos menjëherë pas fillimit të luftës në mënyrë që të mos binte në duart e trupave ruse gjatë avancimit të tyre.

Megjithatë, dronët detarë të përdorur nga marina ukrainase kundër flotës ruse kanë ulur ndjeshëm rëndësinë e anijeve luftarake. /atsh/