Distria Krasniqi e argjendtë në “Paris 2024”

Pas të artës që e fitoi para katër viteve, xhudistja Distria Krasniqi e ka fituar medaljen e argjendtë në Lojërat Olimpike “Paris 2024”.

Krasniqi ishte fantastike në kategorinë deri në 52 kilogramë, por që në finale u mposht nga numri 1 në këtë kategori, xhudistja nga Uzbekistani Diyora Keldiyorova.

Krasniqi e nisi më mirë përballjen ndaj kundërshtares, por pastaj presioni duket se iu rrit ku edhe gaboi, me Keldiyorovan që kaloi në epërsi përmes një “wazzari”.

Xhudistja e Uzbekistanit pastaj vetëm arriti të mbrohej për ta mbrojtur rezultatin dhe në fund iu gëzua fitores.