Gjen kuletën me 335 euro, pejani e dorëzon në polici

Policia e Kosovës në Pejë, ka njoftuar se qytetari F.S të dielën ka dorëzuar në polici një kuletë të cilën e kishte gjetur në rrugën “Vllazёria Tabaku” në Pejë.

Në kuletë kishte të holla dhe dokumente personale si: 335 euro, 20 dollar amerikan, kartela bankare dhe dokumente personale.

Njoftimi i plotë

Qytetari dorëzon çantën dhe kuletën me të holla në Polici

Pejë, 22 korrik 2024

Me datën 21.07.2024, në Stacionin Policor në Pejë, ka ardhur qytetari, F.S. i cili ka sjellë një kuletë të cilën e kishte gjetur në rrugën “Vllazёria Tabaku” në Pejë. Në Kuletë kishte të holla dhe dokumente personale:

-Treqind e tridhjetë e pesë euro, e njëzetë pesë cent (335.25) Euro

-Njëzetë (20) dollar Amerikan

-Kartela bankare

-Dokumente personale.

Të gjitha gjërat e lartë cekura i janë kthyer qytetares (viktimës).

Policia e Kosovës, falënderon qytetarin për veprimin e bërë dhe nivelin e lartë të përgjegjësisë qytetare.