Panik në Amerikë: SHBA do të largohet nga NATO nëse Trump fiton zgjedhjet?

Ka një probabilitet të lartë që SHBA të largohet nga NATO nëse republikani Donald Trump fiton zgjedhjet presidenciale, vlerëson ish-këshilltari i tij i sigurisë, John Bolton.

Sipas fjalëve të tij, në vitin 2018, Trump “ishte një hap larg largimit nga Aleanca”, transmeton Ballkani.info.

– Ai nuk e kupton thelbin e NATO-s. Ai e sheh Aleancën si vijon: Amerika ofron shërbime në sferën e mbrojtjes për një bandë evropianësh mosmirënjohës që nuk paguajnë për të. Unë mendoj se nëse do të ishte në dorën e tij, ai do të largohej nga Aleanca. Mendoj se këtu ka një rrezik serioz – tha Bolton për MSNBC.

Më parë, Bolton tha se tërheqja e SHBA nga NATO do të ishte një gabim katastrofik i Uashingtonit dhe se do të rezultonte në destabilitet në zonën e Atlantikut të Veriut dhe do të vinte në pikëpyetje angazhimin e SHBA-së ndaj detyrimeve të saj ndaj aleatëve në mbarë botën. Kjo do t’i jepte fund aleancës më të suksesshme ushtarako-politike në historinë e njerëzimit, beson ai.

Më herët, ekspertët theksuan se Trump, në rast të fitores në zgjedhje, mund të dobësojë NATO-n, edhe nëse SHBA-të nuk largohen nga Aleanca. Ai ka shprehur vazhdimisht pakënaqësinë e tij për punën e asaj aleance.

Nëse ai fiton zgjedhjet, ai ka kërcënuar se do të tërheqë SHBA-në nga NATO nëse partnerët evropianë nuk marrin përgjegjësi më të madhe financiare për sigurinë e tyre.