Britania e Madhe pret këtë javë liderët evropianë, i pranishëm dhe kryeministri Rama

Britania e Madhe do të pres të enjten e javës së ardhshme (18 korrik) krerët e shteteve të BE-së dhe vendet aspirantë.

Si vend jo anëtar i BE-së , Britania e Madhe ka ftuar edhe vendet joanëtare të BE-së, përfshirë Norvegjinë, Islandën, Gjeorgjinë, Kosovën, Serbinë, Shqipërinë dhe Turqinë.

Sipas Telegraph, presidenti turk ,Recep Tayyip Erdoğan, nuk e ka konfirmuar pjesëmarrjen.

Konferenca e së enjtes është takimi i katërt i Komunitetit Politik Evropian, i iniciuar pas pushtimit rus të Ukrainës në shkurt të vitit 2022, ide e presidentit francez, Emmanuel Macron.

Është parë si një mundësi “shumë domethënëse” për kryeministrin e ri britanik, Keir Starmer që jo vetëm të presë deri në 50 liderë evropianë, por të rivendosë besimin në Mbretërinë e Bashkuar dhe t’i tregojë botës se vendi është kthyer në skenën ndërkombëtare pas viteve të dëmtimit të reputacionit të shkaktuar nga Brexit.

EPC është krijuar për të lehtësuar forcimin e lidhjeve midis liderëve të BE-së dhe atyre jo pjesë e BE me konferenca të mëparshme të mbajtura në Spanjë, Moldavi dhe Republikën Çeke.

Si mikpritës, Starmer do të flasë në seancën plenare hapëse, e cila do të mbahet në një nga sallat në Pallatin Blenheim, vendlindja e Ëinston Churchill. Ai pritet të nënvizojë angazhimin e Mbretërisë së Bashkuar ndaj Ukrainës dhe Zelenskyt, dhe për rivendosjen e marrëdhënieve të vendit pas Brexit me BE-në.

Kryeministri tashmë është zotuar të vendosë lidhje më të ngushta me BE-në dhe ministri i ri për marrëdhëniet evropiane, Nick Thomas-Symonds, ku udhëtoi të hënën në Bruksel për një takim prezantues me ish-negociatorin e Brexit, Maroš Šefčovič.

Përpara takimit, Starmer tha: “Evropa është përballë të një prej sfidave më të mëdha të kohës sonë.

“Lufta barbare e Rusisë vazhdon të ketë jehonë në të gjithë kontinentin tonë, ndërsa bandat e ndyra të kontrabandës trafikojnë njerëz të pafajshëm në udhëtime të rrezikshme që shumë shpesh përfundojnë në tragjedi.

“Unë thashë se do të ndryshoja mënyrën se si Britania e Madhe angazhohet me partnerët tanë evropianë, duke punuar në bashkëpunim për të çuar përpara përparimin në këto sfida brezash, dhe kjo punë fillon në takimin e Komunitetit Politik Evropian të enjten.”

Shefi irlandez, Simon Harris është zotuar të mbështesë Mbretërinë e Bashkuar në nivel evropian dhe ka udhëzuar ministrat e tij që të rrisin kontaktet me homologët e Londrës.

Starmer do të ketë një sërë bisedimesh dypalëshe,  ai do të takohet me Harrisin një natë më parë në Checkers dhe pritet të ketë një takim të veçantë me Macron të enjten, përveç marrjes së supozimeve nga liderët e BE-së për një pakt i ri sigurie dhe mbrojtjeje me MB, pas Brexit.

Ukraina do të dominojë diskutimin plenar me liderët, të cilët më pas do të ftohen të bashkohen me tre grupe pune të përqendruara te mbrojtja dhe demokracia, të cilat do të përfshijnë sesione mbi krizën e dezinformimit, energjinë dhe migracionin.

Siguria do të jetë e rreptë  me kufizimet e hapësirës ajrore mbi pallatin Oxfordshire midis 14 dhe 18 korrikut. Dronët e policisë dhe shërbimi ajror i policisë do të zbatojnë hapësirën e kufizuar ajrore, sipas policisë së Luginës së Thames.

Zelensky do të zhvillojë  vizitën e tij të parë në Irlandë të shtunën në mëngjes, kur do të zbresë në aeroportin Shannon, Co Clare, për një takim me shefin irlandez, Simon Harris. /rtsh/