“BBC” për Sylvinho: Ish-lojtari i Arsenalit, sot hero në Shqipëri

 “BBC” i ka kushtuar një artikull trajnerit të Shqipërisë, Sylvinho.

Duke përmendur statistikat e arritura në pankinën kuqezi, gazetari ka veçuar historinë pas suksesit të brazilianit në “jetën” e tij të dytë në këtë sport…

“Pasi mori detyrën e trajnerit në Shqipëri, Sylvinho për të grumbulluar 70 futbollistë ka parë 240 klipe takimesh. Vetëm në një moment të dytë kjo listë u reduktua në 39 emra dhe më pas në 23”, tregon në rrëfimin e tij gazetari i “BBC” duke iu referuar mënyrës se si operoi Sylvinho në muajt e parë kur mbërriti në Shqipëri.

Mes të tjerash Sylvinho tregon diçka më shumë mbi jetën që bën në Shqipëri.

“Jetoj në një hotel rreth 2000 metra larg qendrës së Federatës Shqiptare të Futbollit dhe aty pranë ndodhet edhe një park i madh ku shpesh herë shkoj të bëj vrap. Tifozët më ndalojnë shpesh dhe më përshëndesin e më falënderojnë për arritjet më Shqipërinë”, tregon braziliani.