Besa Famgas e Prishtina në finale të Ligës së Juniorëve

Besa Famgas e Prishtina janë kualifikuar në finale të Ligës së Juniorëve të Kosovës në hendboll.

Në kryeqytet janë luajtur ndeshjet gjysmëfinale të Final 4 të ligës së juniorëve (U20).

Besa Famgas fitoi bindshëm, 36:24 ndaj Kastriotit të Ferizajt.

Edonis Hajra i realizoi plot 17 gola për ekipin pejan. Diolen Ajvazi kishte 9 gola për Kastriotin.

Dukshëm më e barabartë ishte ndeshja Prishtina – Rahoveci. Prishtina fitoi me rezultat 34:33, por vetëm pas vazhdimeve. Koha e rregullt përfundoi 29:29.

Elion Goçi i kishte 14 gola për prishtinasit, derisa 12 gola për Rahovecin i kishte Granit Kadiri.

Sot prej orës 18.00 luhet ndeshja për vend të tretë mes Kastriotit e Rahovecit, kurse, Besa dhe Prishtina takohen në finale nga ora 20.00.