‘Lautaro do të jetë kapiten i Interit’

Sulmuesi argjentinas Lautaro Martinez, do të qëndrojë te Interi edhe në sezonin e ardhshëm.

Kështu thotë zëvendës presidenti i kampionëve të Italisë, Javier Zanetti.

Ish-ylli i Zikaltërve në një intervistë për ‘DAZN’, ka thënë Martinez nuk do të largohet nga Interi.

Sipas Zanettit, bashkëkombësi i tij, do të zgjasë kontratën me internistët.

“Ai do të jetë kapiteni ynë edhe sezonin e ardhshëm, me siguri. Po e zgjat kontratën, po qëndron”, ka thënë Zanetti.

Lautaro konsiderohet një nga lojtarët më të mirë në skuadrën e Simone Inzaghit.

Kampioni i botës me Argjentinën, ka dhënë kontribut të madh këtë sezon të garave në rrugën deri tek titulli i kampionit në Serie A.